Konsumentverketa birra ja got don válddát oktavuođa minguin
Om Konsumentverket och hur du kontaktar oss - Samiska
Konsumentverket lea stáhtalaš eiseváldi mii lea sajáiduvvon Karlstadii. Mii bargat áššiiguin mat gusket oastima gálvvuin ja bálvalusain. Ovttas mii doarjut sihkkareappot márkanii gos sihke golaheaddjit ja fitnodagat dihtet mii lea gustovaš.
Teaksta lea jorgaluvvon ruotagielas: Teaksta, siiddu hápmi ja originálasiidu sáhttet leahkit sierraláganat.
Konsumentverket bargat dan ovddas ahte:
fitnodagat galget čuovvut daid golaheaddjistivrejeaddji lágaid.
gálvvut ja bálvalusat galget leat sihkkarat geavahit
oastit galget dovdat daid ja geavahit iežaset vuoigatvuođaid
dállodoalut galget oažžut doarjaga gieđahallat iežaset ruhtadoalu
Ná Konsumentverket stivrejuvvo
Konsumentverketa doaibma muddejuvvo lágaid ja njuolggadusaid bokte mat mearriduvvojit riikabeaivvis dahje ráđđehusas. Dáin čilgehuvvojit min bargogohččos ja ovddasvástádus.
Golaheaddjiáittardeaddji
Konsumentverket jođihuvvo váldodirektevrras guhte maid lea Golaheaddjiáittardeaddji. Golaheaddjiáittardeaddji bearráigeahččá vai fitnodagat čuvvot golaheaddjisuodjaluvvon njuolggadusaid, earret iežá geahččaleamis áššiid duopmostuolus.
Rávven golaheddjiide
Golaheaddjidoaimmahat rávve golaheddjiid ruoŧagillii ja eaŋgalašgillii. Mii vástidit jearaldagaid mat gusket oastima gálvvuin ja bálvalusain. Mii sáhttit maid veahkehit du oažžut oktavuođa áššedovdiiguin iežá eiseválddiin, golaheaddjebyroin dahje gielddalaš golaheaddjirávvemiin.
Min ráđđeaddiid bokte don sáhtát maid oažžut oktavuođa Konsument Europain. Doppe sáhtát oažžut neavvuma jus leat oastán juoidá iežá riikkas EO:s, Stuorra Britannias, Islánddas dahje Norggas.
Dieđit midjiide go fitnodat bargá boastut
Jus don oaivvildat ahte fitnodat lea bargan boastut dahje jus don leat fuobmán vára gálvvuin dahje bálvalusain. Dalle sáhtát dieđihit midjiide ilmmuheami bokte. Mii registreret du ilmmuheami ja mearridit maŋŋil jus mii galgat dárkkistit fitnodaga dahje buktaga. Don it oačču persovnnalaš čanasteami dahje veahki du ilmmuheami maŋŋil.
Váldde oktavuođa Konsumentverketiin
Telefonnummar: 0771-525 525
E-boasttačujuhus: konsumentverket@konsumentverket.se
Boastačujuhus: Box 48, 651 02 Karlstad
Fitnančujuhus: Tage Erlandergatan 8A, Karlstad
Fuomáš ahte dan maid sáddet midjiide šaddá almmolaš áššebábir ja sáhttá gáibiduvvot olggos iežáin.